Во пресрет на детската недела

Неактивна ѕвездаНеактивна ѕвездаНеактивна ѕвездаНеактивна ѕвездаНеактивна ѕвезда
IMG 7352Денес 4.10.2023 г. со почеток во 10:00 часот првачињата од ООУ „11 Октомври“ беа свечено примени во Детска организација. Секоја година во првата полна недела од месец октомври со разни активности во сите држави членки на ООН се одбележува Детската недела. Конвенцијата за правата на детето е усвоена на 20 ноември 1989 год, а стапува во сила на 2 септември 1990 година.
 
Одговорноста за децата е на целата заедница, на сите нас!
 
Светот останува на децата и претставува предизвик да ги научиме да ги спознаваат вистинските вредности во животот и да им дадеме сила да истраат и да успеат во овој свет. Детската недела ги промовира правата на децата кои треба да ги уживаат во нивниот раст и потребната заштита која треба да им биде обезбедена од страна на институциите за да им се овозможи среќно и безгрижно детство.
 
Директорката на првачињата и на дечињата од градинката „Синоличка“ им посака топло добредојде и им го порача следново:
 
IMG 7338Чекорете достоинствено кон новите предизвици и запомнете дека со секој нов чекор сте поблиску до исполнување на вашите соништа. Почитувајте ги најблиските, сакајте го семејството. За вашите родители да бидат горди на вас, не треба многу да сторите. Времето поминувајте го во дружба, спортување и учење, во правење на добри дела. Почитувајте ги вашите учителки, наставници и следете ги нивните совет. Треба да бидете добар пример за среќно детство. СРЕЌНО!
Да се биде дел од Детската организација е достојно за восхит бидејќи тоа е организација која ги насочува децата кон почитување и помагање на другарчињата. Денес нашите ученици испратија искрени пораки и повикаа на учење, другарување и почитување. Најубаво е кога се прославува со игра и песна! Детето има дарба на посебен начин да му додава радост на секој нов ден!
 
Холот и дворот на нашето училиште беа исполнети со многу радост, позитивна енергија и насмевки на детските лица. Децата имаат права и обврски и истите ги претставија низ неколку прекрасни интерпретации и песни кои ги подготвија со нивните учителки.
 
IMG 7354Реализиравме групна активност на учениците од прво одделение и другарчињата - гости од голема група од градинката „Синоличка“: цртање во училишниот двор на тема „Јас и светот околу нас”. Децата се нашата иднина и ќе направам сè за нивната среќа. Нашите најмили, нашите ученици заслужуваат среќно и безгрижно детство во нашето училиште, нивниот втор дом, истакна директорката Драгица Спасиќ на денешната средба со ученици од ООУ „11 Октомври” Куманово.
 
Голема благодарност до тимот на Детска организација: Дејана Алексовска, Игор Трајковски и Александар Стефановски.

СТАТУТ НА ОСНОВНОТО УЧИЛИШТЕ

ГОДИШНА ПРОГРАМА И ИЗВЕШТАЈ ЗА РАБОТА НА УЧИЛИШТЕТО

САМОЕВАЛУАЦИЈА НА УЧИЛИШТЕТО

РАЗВОЈНА ПРОГРАМА НА УЧИЛИШТЕТО

НАСТАВНИ ПРОГРАМИ ЗА СЛОБОДНИ ИЗБОРНИ ПРЕДМЕТИ

НАСТАВНИ ПРОГРАМИ ЗА СЛОБОДНИ ИЗБОРНИ ПРЕДМЕТИ