Денес, на 11-ти ноември 2024 година, пред споменикот на Спомен-костурницата, во знак на сеќавање и почит кон паднатите жртви од Народноослободителната антифашистичка војна и заради ослободување на нашиот град Куманово, делегацијата од нашето училиште положи цвеќе и се поклони оддавајќи им чест на нашите ослободители, чијашто крв беше пролеана за благосостојба и за слободен живот на идните поколенија, наследници на македонската самостојност и самобитност.

Во редовите на нашата делегација беа присутни Драгица Спасиќ, директорот на училиштето, Кристина Јовановска Петковиќ, специјален едукатор и рехабилитатор, Сања Ценева, училиштен психолог, и Ненад Начковски, наставник по латински јазик и по класична култура.

Манифестацијата беше беше посетена од делегација на Советот на Општина Куманово, амбасадори, министри, делегација на Владата на РСМ, јавни претпријатија, други основни и средни училишта, здруженија, политички партии и др.

По завршување на церемонијалното полагање на цвеќе, нашата делегација ја проследи културно-уметничката програма со историски осврт кон овој значаен датум за нас кумановчани и со рециталот на Везилка на академикот Блаже Конески од ученик-исполнител Дарија Трендафиловска.

Нека ни е честит 11 Ноември - Денот на ослободувањето на градот Куманово!