Патронат

Воведен говор на директорот по повод 60-годишниот јубилеј на ООУ „11 Октомври" - Куманово во НУЦК „Трајко Прокопиев“ - Куманово

Објавено: Среда, 30 Октомври 2024 23:58 | Печати | Е-пошта | Посети: 329

Во претходниот период, нашето училиште спроведе мноштво на активности од областа на спортот и уметноста, разни училишни и меѓуодделенски натпревари кои интерно ги организираат наставниците со целосна посветеност за интегрирање на децата со посебни образовни потреби.

Горди сме на нашите наставници кои образовале и обликувале личности од многу генерации на ученици во сите изминати декади од формирањето на нашето училиште. Меѓу овие луѓе има значајни претставници од разновидни професии кои за време на нивниот работен стаж извршувале, а голем дел од нив сè уште извршуваат клучни функции на општинско и на државно ниво во служба на граѓаните.

Како директор, со гордост ги набљудувам посветените наставници кои непрестајно настојуваат да го инспирираат и поддржат секое дете во процесот на психо-физичкиот раст и развој.

Врз основа на моето лично искуство и пракса како наставник, а сега на функција како раководен орган на училиштето, за наставниците би го рекла следново низ неколку куси описи: наставниците се неуморни двигатели на современото општество, чувари на просветителскиот дух, одржувачи на дисциплината и редот, творци на интелектуализмот, вечни критичари на едноумието и на незнаењето, храбри борци против моралната корозија и вешти вајари на homo futúrus – човекот на иднината.