Во рамки на проектот „Инклузивно училиште-среќни деца“, а по повод новогодишните празници , учениците од петто одделение со наставниците Драгица Цветковиќ и Живка Лазаревска го посетија одделот Педијатрија при општа болница-Куманово. Учениците им подарија рачно изработена елка, украси и новогодишни честитки и им посакаа многу здравје, успех и среќа во Новата 2016 година. Целта на оваа посета беше да се пренесат топлите и искрени желби за поскоро оздравување и враќање дома во своите семејства.
