Секоја година првата седмица од месец октомври се посветува на децата, а оваа година во нашето училиште по повод одбележување на Детската недела се одржаа низа активности:
2 октомври: Посета на Градоначалникот Зоран Дамјановски и Секретарот на Општината Валентина Алексовска од учениците од Iа одделение заедно со одделенскиот раководител Дејана Алексовска.
5 октомври: Литературно читање по повод „Светскиот ден на учителот“ од мотото „Во нашиот свет сите сме еднакви“ во холот на нашето училиште.
6 октомври: Прием на првачиња во Детската организација кој се одвиваше по следниов редослед:
– Воведен говор од водителката Мелани Георгиевска и најава на настанот;
– Поздравен говор од директорката Елизабета Костадиновска Костиќ;
– Присутните ученици заедно со гостите од градинката „Синоличка“ ја проследија приредбата преку која им беше доловена важноста за учество во Детската организација. На приредбата учество зедоа следниве ученици:
- III одд. со музичка точка „За сите деца“;
- V одд. со музички настап „Мојата учителка“;
- III одд. со песна Just dance;
- IV одд. од подрачното училиште во Д. Којнаре со драматизација Кој има најмногу другарчиња?;
- II одд. од подрачното училиште во Д. Којнаре со рецитација Другарство;
- III одд. од подрачното училиште во Д. Којнаре со музички настап This is my house и The wheels on the bus.
– По завршување на приредбата водителката го прочита ветувањето, а учениците го повторија истото, така што преку оваа изјава на ветување станаа членови во Детската организација и добија беџ и пасош. Добредојдовте првачиња во Детската организација!
Настанот заврши во училишниот двор каде што присутните ученици цртаа на тема Детски права.
