Натпреварот за изработка на видео записи, кој се одржа на 12 февруари во подрачното училиште Д.Којнаре, беше посветен на празникот Св. Валентин. Претставници од IV и V одделение во парови изработија видеа за Денот на вљубените, празник карактеристичен за земјите од англиското говорно подрачје. Вакви активности преку кои учениците се запознаваат и среќаваат со различни култури и празници води кон развој на интеркултурални вештини, ставови, вредности и знаења а воедно потикнува ценење и почитување на различноста како значаен сегмент при учење на странски јазик.
Пред почетокот учениците проследија видео преку кое се запознаа со една од легендите за овој празник. Легендата раскажува дека Валентин бил свештеник во време кога владеел римскиот император Клаудиј II. Имераторот донел закон со кој им забранил на војници да се женат. Свештеникот Валентин не го почитувал законот и тајно ги венчавал војниците, иако тоа се косело со волјата на императорот. Откако императотот дознал свештеникот бил пикнат во затвор.
Потоа, учениците се запознаа со иновативната алатка Dvolver и нејзините можностите преку кои на едноставен и забавен начин соработувајќи во парови изработија видеа на лап-топчиња. Учениците се покажаа како успешни и оригинални креатори на своите online изработки.
Жири комисијата составена вкупно од 3 ученика заедно со професорката Славица Стојчевска објективно ги оценија видеата според однапред зададени критериуми. За најдобри беа прогласени 2 видеа изработени во пар од ученичките Мелани Георгиевска и Мила Николиќ и парот во кои членови беа Јован Лазаревиќ и Андреј Михајловски.
Сите учесници заедно со жири комисијата добија благодарници за учество, а за најдобрите имаше награди.
